甜入心：真係甜入心!

前幾天收到電訊公司來電, 提醒我電話上台合約快到期, 新的合約大幅加價, 加上最近有部新的台灣牌子手機, 千幾蚊有4G, 5吋Mon, 有新的攝影功能, 對於手機先食一族來講是相當吸引, 所以便到黃金商場走一轉, 之後便順道到風評唔錯的甜入心試一試。

甜入心的位置實在不起眼, 位於福榮街和南昌街交界, 由黃金商場大約要步行幾分鐘才到, 店鋪面積唔算太大，只可以坐二十幾至三十人左右，店内的裝修是非常簡單，店外貼了一些雜誌和報章的報導。

看看餐牌，選擇不是太多, 只有大約十幾款甜品, 大部份都是西式甜品，價錢方面也相當合理，都是三十幾至四十幾蚊就有交易, 考慮了一陣便選擇了芒果小丸椰皇子。

芒果小丸椰皇子是以椰皇作為容器，最上層是一排大芒果肉，芒果肉份量相當多, 有成十塊之多, 每塊芒果肉是大大的, 入口清甜新鮮, 質感都唔錯。

而藏在下面的是椰皇啫喱，椰皇內面的底層是一堆啫喱, 啫喱是用椰子水製作而成的, 再加好幾粒白色的小丸子。

啫喱口感是滑溜的，配合椰子水的清爽味道, 的確是好吃, 一般甜品店很小有用椰皇水製成啫喱的做法, 算是小小的創新。

白色的小丸子食落煙煙韌韌, 口感唔錯, 食完整個甜品之後, 再可以用匙子把椰皇肉都了刮出來食, 在炎炎夏日, 凍食的芒果小丸椰皇子, 實在是涼透心, 可以為大家消消暑。

這小店真是名不虚傳，而且是真材實料的好味，店名叫甜入心，真是相當貼切, 值得推介比身邊的朋友和一試再試。

等候時間: 0分鐘 (堂食)
用餐日期: 2014-09-07
是次消費: 每人約HK$39 (下午茶)

甜入心
深水埗福榮街57號文昌閣地下B
2668 0748