Graffiti：好友相聚蘭桂坊

某天收到好友的訊息通知, 原來某大團購網站有個優惠, 是在蘭桂坊Graffiti餐廳食三道菜連紅酒/白酒, 每人只是百多元, 咁抵食! 小第當然即時參加。

Graffiti 位置實在不起眼, 有點隱蔽, 要找了一陣才見到, 是一間酒吧型格的餐廳, 當晚到達，只見有些外籍人士在把酒言歡，店內每枱都點有燭光，感覺柔和舒適。

因為我們四人的主菜都選了牛扒, 所以也點一支紅酒來配合一下， 酒身都較深色, 聞起來果香味濃郁，口感是相對輕爽, 易入口, 酒體滲出清新果香味。

兩位女仕也想試試白酒, 白酒的色澤方面是沉厚金黃的, 聞起來有草花香味, 入口清甜芳香，容易入口。

果仁車厘茄伴牛油醬汁: 一大堆新鮮的生菜再放了果仁、車厘茄作為配料在上面, 混合了牛油醬汁, 生菜新鮮爽口, 車厘茄新鮮甜美, 原來平時在酒吧吃的果仁做沙律配料, 味道配合起來相當夾, 作為一道前菜，可以開一開胃。

白汁煮青口: 是友人點的, 小第也試了兩隻, 青口比想像中大隻, 青口用白汁煮過, 白汁相當creamy 同埋好味, 青口肉肥厚, 味道鮮甜, 水準唔錯。

巴馬火腿伴意大利水牛芝士: 四大舊意大利水牛芝士放在巴馬火腿上面, 巴馬火腿份量算多, 芝士只係試咗小小, 味道芳香, 芝士味濃, 反而好欣賞個巴馬火腿, 切了薄片的巴馬火腿，肉質帶有點油潤，食落味道鹹香而惹味。

香煎牛肉眼伴雜菜沙律及薯條: 烤牛扒的功夫做得不錯，牛肉鮮嫰, 肉汁非常豐富, 肉質有咬口, 肉味無比濃郁，牛扒帶小小脂肪, 薯條炸得香脆惹味, 如果塊牛扒再可以厚小小, 就更加完美, 值得一讚。

我們食完晚餐後, 可以欣賞live band演奏, 大唱英文金曲, 表演水準也非常高。

總體而言，本人好滿意，以一百多元的消費，在蘭桂坊酒吧吃一個有三道菜連餐酒的燭光晚餐，食物方面也有一定水準, 再加上live band演奏，真的太超值了，而且沒有用餐時間限制, 真係要比多幾個Like 佢。

等候時間: 0分鐘 (堂食)
用餐日期: 2014-09-29
是次消費: 每人約HK$137 (晚餐)
用餐優惠: 團購

Graffiti
中環蘭桂坊17-22號好利商業大廈地下C及D舖
2526 2520