輝香園：求其一碟雞飯

是日人在油麻地區, 正在頭痛到那處醫肚之時, 無意中發現窩打老道十字路口這間輝香園，門外的餐牌顯示有午飯套餐, 有飯例湯連飲品，都是三十多個大洋，今時今日來講算是經濟，於是二話不說, 即刻入內試試。

入內是一副茶餐廳街坊生意格局，大電視則懸掛在頭上, 去得茶餐廳都唔會要求有高尚的裝潢, 只是企企理理, 食完就走人, 店子一般不大，卡位有四至五張，另外有四至六人枱, 此時店內客人不多，大部份都是工友和大叔。

看了一眼午餐餐牌, 沒有太多選擇，便求其選了一個沙薑雞飯午餐。

基本上每次去呢類茶記食飯，都習慣上要飲例湯，今次飯跟的例湯，是非常的普通，味道唔太濃, 又唔係太大碗, 味道不過不失。

沙薑雞飯賣相普通，幾舊雞肉整齊排列係一邊，另一邊是一堆白飯, 雞肉烹得老咗小小，所以雞肉唔夠嫩滑，沙薑雞份量較少, 而且多骨, 雞肉所餘無幾, 但雞不入味, 沙薑味仍然較淡。

在此等街坊格局茶餐廳, 個人而言是比較喜歡凍奶茶，但是水準真的大致上差不多, 但今次奶茶水準相對地差, 奶茶不夠茶味, 而且不夠滑身, 香濃也欠奉。

整體來說, 作為填飽肚子的功能, 這間輝香園是做到了, 可惜在其他方面的表現真的有點失望, 不過回想這餐只是三十八個大洋，算罷啦!

等候時間: 0分鐘 (堂食)
用餐日期: 2014-08-26
是次消費: 每人約HK$38 (午餐)

輝香園
油麻地窩打老道17號地下
2768 4711