小皇子餐廳：為牛扒而來

個人而言當然久唔久都會試過去了一些中伏餐廳, 所以也學得小心了很多, 好多時都會在食友圈內先收收風, 再考慮一下去那間餐廳開餐。某天就收到元朗區食友通風報訊, 告知在元朗鳳攸南街有間新餐廳開張，老闆本身是做牛肉批發的，牛扒的水準相當高, 即時令到半個牛魔王的我食指大動, 決定要相約友人一齊入元朗試一試。

未步入餐廳, 單看門面只感覺都是茶記一間, 餐廳內的環境不錯而且簡單企理, 枱與枱之間有足够空間, 坐得舒適, 就是當晚所見客人大部份都是年輕人和斯文一族，人客也不少。

打開餐牌看看，選擇也不少, 當中包括有餐湯、沙律、意大利麵、主菜、甜品、全日早餐及兒童餐。但什麼也不用想，就先要了牛扒, 再加餐湯、頭盤及咖啡。

先來一道餐湯送上來, 酥皮龍蝦湯是也, 酥皮做得夠簿, 龍蝦湯味道非常濃郁而且鮮甜, 原來湯內有好幾粒龍蝦肉, 滿意之極。

頭盤是煙三文魚凱撒沙律, 新鮮的生菜加上煙三文魚, 煙三文魚的份量相當多, 用料足又夠新鮮, 生菜新鮮爽口, 煙三文魚帶有豐富的鹹香味, 混合了沙律醬, 對板之作。

我們二人都選了主菜都是牛扒, 本人要了美國特級肉眼扒配紅酒汁，友人要了美國特級西冷扒配黑椒汁, 牛扒相當大份，烤牛扒的功夫做得不錯, 牛扒選擇了五成熟，牛肉鮮嫰, 切開了後可見到粉紅色的肉質, 有濃郁的牛味，肉汁非常豐富, 入口肉質細嫩帶嚼勁，最重要是調味方面做得非常出色, 令到整份牛扒的味道提升了很多, 再配上不少蔬菜和薯蓉, 吃完後真的滿足, 水準也近乎酒店級水平。

當試完了牛扒之後, 店員便提議我們也可以試試紐西蘭特級羊架配芥末汁, 店員先問我們羊架需要幾成熟, 我們要了五成熟, 每客有三支羊架, 賣相唔錯, 再加上配菜, 羊架烤得不錯, 肉質嫩滑, 入口只有小許羶腥味, 對於小食羊架的我, 也非常滿意。

甜品時間來個朱古力心太軟, 用一個長方型碟子盛上的，賣相是相當不錯的, 要先看看這個心太軟的「流心程度」如何, 首先將外殼分開，外殼焗得微脆，吃起來朱古力蛋糕味道香濃,朱古力漿有濃郁的榛子味道，這個心太軟已交足功課了。

餐飲點了即磨咖啡，既香濃又滑溜, 為這頓美妙晚餐畫上了完美的句號。

人生總是充滿驚喜, 如果只看餐廳的外表, 便以為食物是茶記水準, 就會錯過了這個近乎酒店級水準的牛扒。

等候時間: 0分鐘 (堂食)
用餐日期: 2014-12-03

小皇子餐廳
元朗鳳攸南街3號好順景大廈地下3號舖
2344 4113