瀛喜日本料理：平平地食一餐放題

有了西鐵之後, 元朗區的交通已方便了很多; 因為友人有意置業, 而其中一個心水就是元朗區, 所以便陪友人到元朗區了解一下, 睇完幾個樓盤後, 當然是晚餐時間, 當大家正在頭痛去邊間餐廳時, 路過見到瀛喜日本料理有個「2人同行1人半價」的優惠, 便即時入內試試。

瀛喜日本料理位於交通廣場地下, 由元朗西鐵站步行過來大約要幾分鐘時間,餐廳面積敞大，裝潢簡單企理，地方整潔而檯也擺得不算密，餐廳的盡頭是壽司吧及廚房位置。

基本上，每間放題餐廳的做法一樣，就是從一大曡紙張中抽取自己想點的食物。今次也一樣, 種類包括了刺身、壽司、軍艦壽司、天婦羅、一品料理、炸物、手卷、新口味、燒焗精選、冬日限定、飲品及甜品，全是任點任吃。

當然第一時間點選飲品, 飲品方面點了熱甘桔蜜。

滿心期待的刺身併盤終於出現, 整盤刺身擺放得非常精美，底部用碎冰砌成的, 這個2人份量的刺身併盤款式也不少，有三文魚、吞拿魚、八爪魚、甜蝦、海膽及鮑魚等等，三文魚肥美;吞拿魚鮮味; 八爪魚爽口彈牙; 甜蝦是鮮甜美味;而鮑魚嚼勁十足；水準唔錯。

新口味項目的款式有黑松露三文魚壽司, 柚子甘油魚壽司, 火灸和牛壽司, 黑松露和牛反卷, 當中以黑松露三文魚壽司和火灸和牛壽司較為喜愛, 經過火灸後的三文魚口感軟滑, 再配合松露的香氣, 回味無窮; 火灸和牛壽司的和牛肉質鬆化，且散發濃郁的肉香, 吃起來更具滋味。

緊接的有壽司類項目, 點了花之戀壽司、三文魚壽司、北寄貝壽司、海鰻壽司及火灸左口魚壽司。其中以三文魚壽司和花之戀壽司較為令我注目, 三文魚口感軟滑而且鮮味; 花之戀壽司在於沙律醬添上了滋味, 三文魚質素新鮮再加上爽彈的蟹籽，是水準之作。

再試炸物類項目, 吉列炸蠔炸得表面金黃色,外皮做得夠脆、夠薄,所以咬起來皮脆內嫩，裡面的蠔肉新鮮熱辣。

還有燒焗精選項目, 外表討好的焗日本蕃薯仔,每粒也非常飽滿, 點些澱粉質食物，感覺上比較飽肚, 番薯軟綿粉甜, 其實可以連皮食一齊食, 真是喜出望外！

燒秋刀魚原條上陣,是吸引的,而且燒得夠香，先吃魚肚，甘苦的內臟加幼嫩鮮美的魚肉，好吃! 吃時令是錯不了, 是日吃的香魚，感覺良好。

食日式放題, 怎可不試一品料理項目,牛油栗米粒粒金黃色, 飽滿的粟米散發出牛油香味，每一口咬下去都係甜美, 爽口非常。

厚切的蒜香牛柳粒，火候及調味都做得幾好, 可惜牛柳帶根，要咬開真的有點難度。

另外點了炒野菜，這個調味淡了些，不過吃了很多肉類, 來些菜類食物也不錯。

當然不可缺少冬日限定項目, 天氣開始轉涼，來個沙爹肥牛粉絲鍋暖暖身體，肥牛肉鮮嫩,入口嫩滑，粉絲索了湯底的鮮味精華, 做成很不錯的效果。

今次放題食得甚為滿足，而食物質素也在合理水平, 店員親切有禮; 瀛喜日本料理的放題勝在價位吸引,愛吃日式放題的朋友, 想平平地食一餐放題, 在元朗區又多了一個好去處。

等候時間: 0分鐘 (堂食)
用餐日期: 2014-12-04

瀛喜日本料理
元朗鳳翔路2-6號交通廣場地下8號舖
2696 2555