Dabyida Restaurant and Bar：餐廳氣氛唔錯

早前和友人路過尖沙咀棉登徑, 見到有間獨具形格的酒吧形式餐廳, 正正配合了潮流, 結合餐廳同酒吧於一身, 即時令我注目和深感興趣, 而喜歡試各式各類餐廳的我, 當然不會放過機會, 同友人即時入內試試。

步入餐廳, 餐廳內的環境很優雅, 感覺上是有品味的，店內裝修充滿時尚感,環境相當寧靜，燈光較微暗，令餐廳洋溢著浪漫氣息, 也令人有舒適的感覺, 當晚所見的客人大部份都是斯文一族, 二人坐在寬敞的卡座，可以好好享受這一頓晚餐。

先來個前菜香草炒田螺磨菇配多士, 賣相精緻, 上枱時已聞到陣陣香氣, 用了香草和磨菇來炒田螺, 田螺配合香草的確可以提升食味, 伴上香脆多士, 更加好吃。

再點了帶子蘑菇意大利飯, 令我注目的當然是四粒帶子, 看上去幾大隻而厚身, 先試了一口,味道鮮甜,飯粒中還夾雜了蘑菇,飯粒有咬口而硬度適中，帶有蘑菇的香濃味道, 可惜煮得太濕了扣了分。

還有辣腸磨菇芝士薄餅, 當中的辣腸的辣度較突出, 而薄餅底是薄薄的, 烘得比較乾身,外層的口感鬆脆, 但麵粉香味不足,而這個是8吋的薄餅, 份量略小了一些, 味道唔錯。

餐廳是走中高檔路線，整間餐廳氣氛唔錯, 裝潢時尚和富格調, 而且位置較清靜; 食物水準中上，但價錢略為偏高, 較適合情侶或三五知己來飲下酒，談下心。

食物評分:  7/10
服務評分:  7/10
環境評分:  8/10
抵食評分:  6/10

用餐日期:  2015-03-11
尋味總結:  食物中上

Dabyida Restaurant and Bar
尖沙咀棉登徑5-6號鋪地下
2739 1228