和記海鮮飯店：貼地街坊食店

雖然已離開了電子行業一段長時間，但依然有跟舊同事保持聯絡, 這天舊同事從海外回港, 相約一班朋友來一聚, 也沒有不來的道理。當大家正在決定到什麼地方開餐之際, 最後選了這裡，是因為地點適中而店子的食物價格合理, 加上這裡是沒有收開瓶費的, 就算自攜幾支紅酒，也無後顧之憂。

是晚一行九人晚膳，席上都是認識超過二十年的朋友了, 七時來到，想不到食客已不少, 店子舖面不算太大，氣氛比較輕鬆隨意，趁等朋友的時間, 拿餐牌一看，菜式選擇不少而看來也是街坊價。

先來兩味送啤酒的香口菜色, 一味紅燒豆腐，外表金黃色的豆腐, 外層炸得脆皮而內裡的豆腐嫩滑無比。還有椒鹽鮮魷, 脆漿唔太厚但做得好平均,剛剛好包得晒件鮮魷, 食落香脆可口, 鮮魷爽口彈牙。

店員推薦幾款燉湯, 在當中揀了一窩椰子燉響螺, 可以給大家喝過夠,上枱還是熱辣辣的,味道清甜帶有椰子香味, 響螺口感腍中帶爽味道鮮濃甜美，整窩燉湯轉眼間已給我們喝清光了。

餐牌上的極品燒鵝皇是招牌菜，原隻鴨斬件後砌得整齊的上檯，鴨皮上油潤光亮，吃起來，鴨皮是燒得脆口，鴨皮唔會有太多脂肪, 鴨肉鮮嫩又多肉汁，而且肉厚，味道是令人滿意的。

也試試蒜汁大蝦球，雖然蝦球不是太大粒，但已去了蝦殼, 食用較方便而且啖啖肉, 蝦肉鮮爽, 配合蒜汁同吃，更加惹味。

押上店名的和記小炒皇, 以小炒來講, 材料實在豐富,包括有大量韭菜、蝦仁、腰果、魷魚、果仁等，韭菜嫩綠清甜，其他配料也有水準, 論價錢算是抵食。

大家吃得飽飽, 而且食物水準都唔錯, 其實有時一班舊朋友聚會, 簡簡單單去街坊食店也可以吃過痛快。

食物評分:  7/10
服務評分:  7/10
環境評分:  6/10
抵食評分:  8/10

用餐日期:  2017-10-20
尋味總結:  值得推介

和記海鮮飯店
佐敦渡船角文英街9-16號地舖
2782 5837

拍攝伙伴:  Nikon D3100 + 18-55mm f/3.5-5.6 Nikkor Zoom Lens