橫綱：用心做好每一碗麵

現時拉麵店已經開到成行成市，自從一蘭在銅鑼灣開業，更加把拉麵熱潮推到了高峯，食一碗拉麵都要等成一兩個鐘頭先可以食到。雖然拉麵店有好多選擇，但本人對橫綱仍然念念不忘，因為本人是在油麻地區長大，所以橫綱的拉麵也是本人的童年回憶。

晚上八點左右來到，已經有好多人在排隊等位，因為正值係食晚飯時間黎，所以本人要等成一個鐘才有位。

黎到橫綱，九州拉麵是比較受歡迎的一種，但本人喜歡清淡一點，所以點了清湯拉麵, 雖說是清湯底，但試了一口湯底之後，發覺相當清甜和味濃，而且一點都唔油膩，麵條是黃色蛋麵條，麵條是非常爽口和彈牙，口感相當唔錯，叉燒方面，肥肉和瘦肉配合恰到好處，厚薄適中，入口相當好味，筍片都爽口。

總體而言，橫綱是一間實而不華的拉麵店，沒有華麗的裝飾，只有用心做好每一碗拉麵，而且價錢也相當合理，只是五六十蚊一碗，相對於其他名牌拉麵店要接近一百元一碗，明顯實際很多。

等候時間: 60分鐘 (堂食)
用餐日期: 2013-08-21
是次消費: 每人約HK$56 (晚餐)

橫綱
油麻地彌敦道466-472號恩佳大廈地下
2783 0784