SML：飯債，始終要還

前陣子因為要準備考試，所以很多朋友的飯局也婉拒了，試已經考完了，現在比較清閒，有好多飯局債要還。好似之前有朋友發起的兩次飯局，我都未能抽空出度，所以第一時間相約兩位好友來個飯局，聚聚頭，說說笑。

之前因為收到AE卡的優惠資料，到Press Room Group 的餐廳星期二有六折，SML 便是有六折的其中一間，所以便訂了枱到SML. SML是代表Small, Medium及Large, 食物有三種不同的size, 可以按唔同人數的需要，選擇大、中、小的份量，價錢方面也有不同。餐廳主要分開三個區域，室內、室外和酒吧區，是日因為落雨，所以室外部份已關閉。

室內部份的裝飾非常簡單，只是一個很大的地方，放了一些木枱和木凳。可能因為做AE卡優惠的原故，當日星期二都全場滿坐。

食物方面，本人已預先做了功課，看過了食評之後，已選定了今晚要點白酒蜆肉扁意粉和蒜蓉香草烤雞肉配紅酒汁，其他的則由兩位好友選擇。

凱撒沙律加雞肉串燒: 羅馬生菜新鮮爽口，加埋芝士調味，入口好好味，雞肉方面就唔係好新鮮啦，無乜雞味，肉質口感一般。

白酒蜆肉扁意粉: 賣相唔錯，蜆肉非常新鮮及甜美，可惜意粉好硬，整體上幾好。

蒜蓉香草烤雞肉配紅酒汁: 雞隻外皮脆香，肉質嫩滑而且都幾厚肉。

鐵板墨西哥烤牛腹肉: 上枱時鐵板熱辣辣，牛腹肉新鮮，味道唔錯，另外有五種配料和粉皮，可以用粉皮包著牛腹肉一齊食，好似食片皮鴨一樣。

冬陰公湯: 味道普通，不過裡面的蝦肉好新鮮，呢個湯份量亦相當多。

焦糖燉蛋：賣相唔錯，蛋香滑度中等。

泰式香芒糯米布丁: 本人很欣賞呢個甜品，芒果肉好味，在糯米飯上面加了椰汁，糯米飯的口感加上椰汁的甜品恰到好處。

整體來講，食物質素中上，環境簡單舒服，服務方面只是一般，價錢方面因為有AE卡六折，所以算抵食。

等候時間: 10分鐘 (堂食)
用餐日期: 2013-07-23
是次消費: 每人約HK$150 (晚餐)
用餐優惠: 信用卡優惠

SML
銅鑼灣勿地臣街1號時代廣場食通天11樓1105號舖
2577 3444