雷公子海鮮串燒大排檔：特色海鮮小店

聽朋友講開係九龍城有間新開業的特色海鮮小店, 店主本身做海鮮批發，而最近有新師傅坐陣, 這晚就和幾位朋友來試試。甫進店，主理人來招呼, 經他介紹下, 就點了幾味特色海鮮和小菜。

先進入海鮮環節, 一味海鹽手插蝦相當熱賣, 亮點係用上泰國草蝦, 用錫紙包著草蝦連窩送上，一掀開錫紙香味撲鼻而來，只見呈深橙色的蝦, 賣相很不錯，蝦的外皮燒得脆身夠香口, 也可以連殼吃下, 用了草蝦，蝦肉爽而鮮美, 令人回味無窮。

個人較喜歡銀山火焰桶蠔，同樣地用錫紙包著桶蠔連窩送上，只見侍者將窩內的酒點著火，做成一個火焰效果, 以火焰燒過的桶蠔表面也呈微焦。桶蠔其實已經炸到七八成熟，再用火焰加熱大約五分鐘至全熟, 蠔身不算大隻, 但沒有任何腥味, 蠔肉肥美, 入口香口惹味。

不容錯過的避風塘金沙炒蟹, 肉蟹的份量十足，整隻肉蟹被金黃色的蒜粒埋沒了，看起來是頗吸引，炸蒜粒本身炸得乾身脆口, 還跟紅尖椒同炒，是頂級香口,食落啖啖肉，肉質鮮甜嫩滑之餘, 還又香又好吃，出色之作。

招牌菜立體3D芥蘭, 根據師傅的解釋, 是希望把菜色分成幾層, 做成立體效果, 底層是芥蘭菜, 中層是經炸過的芥蘭菜葉, 最頂層是豬肉碎。賣相真的有點立體感, 芥蘭是青蔥爽脆，個人而言, 最喜歡是經走油炸過的芥蘭菜葉, 入口確實非常爽脆, 配合香口的豬肉碎一齊吃, 更加美味。

咕嚕肉很多人也食過, 今次看到咕嚕肉菠蘿船的賣相較創新, 相信師傅設計這道菜的靈感來自菠蘿炒飯, 所不同之處在於菠蘿內是咕嚕肉而不是炒飯, 再加上蕃茄、青瓜等伴碟, 在賣相和色彩方面確實提升了, 看上去添上一份貴氣。 雖知道咕嚕肉是不容易做得好, 用的是脢頭豬肉，先醃後上粉再炸，再以甜酸醬汁燴好。咬下去脆漿做得唔錯, 肉醃得好吃，用料是不錯的, 配合醬汁酸酸甜甜, 好開胃。

食材新鮮已經是賣點，師傅手勢也唔錯，值得一試。

等候時間: 0分鐘 (堂食)
用餐日期: 2015-01-15

雷公子海鮮串燒大排檔
九龍城城南道33號龍城大廈地舖
2217 6177