Burgerman：黃金商場對面的漢堡店

為了工作上的方便, 最近很想買一部平板電腦, 就在一個週日的傍晚來到黃金商場看看, 逛完後當然要找個地方開餐, 就不如在附近的漢堡店Burgerman食個漢堡包，其實之前都到過大角咀的Burgerman, 試過後發覺水準唔錯,所以有信心再試。

店子舖面也算細小，裝修是非常簡單，只有高身吧檯凳，座位唔太多。在選擇食物方面，是非常容易，有餐牌之外, 也有個顯示屏幕，圖文並茂，有齊資料，餐牌上主要有漢堡包，也有飲品、沙律、水牛雞翼、炸薯條和意粉等。飲品要了支檸檬茶，大大支幾抵飲, 味道酸酸地又解渴, 配漢堡包都幾爽！

再來一客小食脆炸特製蕃薯條, 份量比想像中多, 選用了美國甜番薯，天然鮮甜, 炸得外脆內軟, 入口香脆，卻不太油, 因為薯條較為粗身,吃起上來口感較佳, 拌上醬汁同吃，令人好想吃多幾條。

和牛漢堡是令我注視的項目，漢堡本身看上去份量不算很大, 就是看上去的賣相也非常吸引。其實跟其他漢堡包的基本材料差不多的，也是麵包、芝士、牛肉、生菜及蕃茄, 再加上醬汁等, 不過牛肉方面是改用了和牛。

個人而言對於經過特別烘焗的麵包是很喜歡的，包本身已經烘得微脆，所以入口時脆香同內軟; 最重要是和牛多汁香嫩，大口吃下，肉味濃郁而肉汁充盈, 肉質嫩紅也滲出豐富肉汁，牛肉混合了半溶掉的芝士是極之美味, 再配上惹味的醬汁，味道非常豐富。

漢堡包旁邊的田園沙律也是做得好, 一點都不馬虎, 新鮮翠綠爽脆的沙律菜，加上脆口的青瓜粒和甜美的栗米粒, 再配合沙律醬汁, 味道清新開胃。

餐廳整體食物質素算唔錯，是以漢堡包的價錢而論，也算抵食，不過這裡的店舖太細和座位太少, 好多時要等要位, 座位太迫也坐不太舒服。

食物評分:  7/10
服務評分:  7/10
環境評分:  6/10
抵食評分:  7/10

用餐日期:  2015-08-30
尋味總結:  水準唔錯

Burgerman
深水埗欽州街65-71號地下
2361 1330

拍攝伙伴:  Fujifilm X-M1 + XC 16-50mm F3.5-5.6 lens